Unha vez máis, o PSOE provincial posiciónase ao carón da defensa da sanidade pública e sumarase á convocatoria da manifestación que terá lugar o vindeiro xoves para reclamar os servizos de hemodinámica 24 horas, radioterapia y medicina nuclear para o HULA.
A manifestación, que sairá ás 20:30 horas da praza Horta do Seminario de Lugo, foi convocada pola federación de asociación veciñais baixo o lema «Que non che rouben o corazón». Nesta marcha participarán numerosos socialistas da provincia, co obxectivo de que a Xunta de Feijoo escoite dunha vez por todas as necesidades dos lucenses e poña en marcha estes servizos no hospital de Lugo.
Os socialistas queren que se poña fin xa a unha situación totalmente inxusta e preocupante. A Consellería de Sanidade está a incumprir sistematicamente as súas obrigas cos dereitos da saúde dos lucenses ao non prestar as medidas preventivas e os servizos necesarios.
O que están a conseguir os gobernos do PP é unha Galicia desigual na que os lucenses parecen ser cidadáns de segunda no tocante á sanidade. Ante esta situación o PSOE provincial continuará a demandar e a reivindicar os recursos para atender ás necesidades dos lucenses nun tema tan delicado como é este servizo público.
Contamos contigo!
Estaríamos encantados de que nos acompañes!
-8.jpg)
-2.jpg)
-3.jpg)
